Bon biní
Bon biní riba e wèpsait Registrashon pa Enseñansa Básiko Boneiru.
Registrashon pa Enseñansa Básiko Boneiru ta un wèpsait konhunto di tur e skolnan básiko regular ku gobièrnu ta finansiá na Boneiru. Via di e wèpsait akí bo por registrá bo yu pa enseñansa básiko na un manera masha simpel.
Ta nesesario pa registrá muchanan ku ainda no a hasi 4 aña pa enseñansa básiko.
Na ki momentu mester registrá e yu:
| Fecha di nasementu | 1e Aña eskolar | Registrá |
| Entre 1 di mei 2021 ku 30 di aprel 2022 | 2025 – 2026 | Entre 1 di yanüari 2025 ku 1 di april 2025 |
| Entre 1 di mei 2022 ku 30 di aprel 2023 | 2026 – 2027 | Entre 1 di yanüari 2026 ku 1 di april 2026 |
| Entre 1 di mei 2023 ku 30 di aprel 2024 | 2027 – 2028 | Entre 1 di yanüari 2027 ku 1 di april 2027 |
| Bo yu a nase promé ku 1 di mei 2021? | Tuma kontakto direktamente ku e skol di bo eskoho. | |
Registrashonnan ku tuma lugá promé ku e periodo indiká lo no wòrdu tratá.
Mayornan ku registrá nan yu lat, mester tene na kuenta ku kisas no tin mas kupo na e skolnan di nan preferensia.
Pa registrá bo yu pa enseñansa básiko, uza e formulario di registrashon akí.
Por fabor yena e formulario di registrashon akí mas kompletu ku ta posibel.
Tambe por indiká kua ta e skol di preferensia pa inskribí bo yu na dje. E skolnan tin un kantidat limitá di kupo disponibel, pues nos ta pidi boso pa indiká tambe un di dos i di tres eskoho. No por garantisá ku enbèrdat tin lugá pa bo yu na e skolnan di bo eskoho.
Tin insertidumbre òf bo tin pregunta? Lesa e Preguntanan di mas Frekuente (FAQ).
