Pregunta di mas Frekuente (FAQ)

 

Mi ta obligá pa registrá mi yu?

Bo yu tin e obligashon pa sigui enseñansa riba e promé dia di luna despues ku el a kumpli 4 aña. Esaki ta nifiká ku e yu ta obligá pa bai skol.
Pues registrashon di bo yu ta nesesario den kaso ku bo ke pone bo yu na un di e skolnan básiko regular ku gobièrnu ta finansiá.

 


Tin sentido pa registrá mi yu mas trempan ku ta posibel?

Esaki no tin sentido. Solamente muchanan ku ta hasi 4 aña entre 1 di mei 2020 i 30 di aprel 2021 por wòrdu registrá entre 1 di yanüari 2024 ku 1 di april 2024. Lo no atendé registrashon di muchanan ku ta mas chikitu òf mas grandi.

 


Mi a lubidá di registrá mi yu promé ku 1 di aprel, kiko mi mester hasi awor?

Manda un meil mas pronto posibel na info@aanmeldenbasisonderwijsbonaire.com. Despues di esaki lo bo risibí un mensahe ku ta indiká kua ta e posibilidatnan.
Lo no por tene kuenta mas ku bo(so) preferensia pa un skol en partikular na momentu di inskripshon di e yu.

 


Tin mas skol básiko na Boneiru?

Si, na Boneiru tin un skol básiko mas ku yama Aquamarin, esaki ta un skol privá.
Bo ke registrá bo yu pa e skol menshoná akiriba? Tuma kontakto direkto ku e skol mes.
E fundashon pa enseñansa públiko (Stichting Openbaar Onderwijs) ta responsabel pa enseñansa na Kolegio Strea Briante, e skol akí ta brinda enseñansa pa muchanan ku un nesesidat di enseñansa spesial.

 


Tin siguransa ku mi yu ta haña un kupo na e skol ku ta nos promé eskoho?

Nò, esaki no ta e kaso semper, si e ta logra, ta dependé di e kantidat di kupo disponibel i e kantidat di registrashon pa e skol en kuestion.
Si no ta logra akomodá e yu na e skol ku ta bo(so) promé eskoho, e ora ei ta konsiderá si por akomodá e yu na e skol ku ta bo(so) di dos eskoho.

 

Registrashon pa Enseñansa Básiko Boneiru ta un inisiativa konhunto di tur e skolnan básiko regular na Boneiru.

E-mail: info@aanmeldenbasisonderwijsbonaire.com